جايز ماكونش في الكتاب … مدحت منير
اركني خشب الأوض في الذكريات
خبيه مع دمع التوابل
وامسحيني من التراب
جايز ماكونش بعد لحظة في الكتاب
جايز ماكونش في الهدوم
فتشي عن روح قديمة اتشعلقت
ونزلت ع الرخام
وماتهجريش المكان
في كل متر مربع
ثواني للأبد
وناسي أسألك
عيونك
ولا صفارة الإنذار
بتخرج م الفصول
وقيامة الدمع
في المغرب
وازاي بتيجي كل يوم
من غير معاد
وتودعيني
للأبد.
.
*شاعر من مصر
-لمتابعتنا على فيسبوك: https://www.facebook.com/alwasatmidlinenews/
