.ماهوش مولد وراح ينفض
ده منديلي اللي عامل فيها
شاشة عرض..
تملّي ف شارع المناديل
يقف بالعرض
يرفرف
للي ماله دليل
ويسهر
ع العتب بالليل
يداوي عليل
ويستر عرض
ساعات يفرح
ساعات ينخض
ساعات يسرح
ويفتكر المراكب أرض..
ده منديلي اللي مره اتهان!
ركن ع الناصية زي زمان
وهمس النبض..
ورب العزة ياجدعان
مجرد وقت
يطول يقصر
هاييجي اليوم
تابعونا على صفحة الفيسبوك: https://www.facebook.com/alwasatmidlinenews