أحمد العوضي: بحب الشغل مع ياسمين عبد العزيز
كشف الفنان أحمد العوضي السبب وراء تعاونه الثالث مع زوجته النجمة ياسمين عبد العزيز في موسم رمضان، مؤكداً أنها الممثلة الأقرب إلى قلبه ويشعر بوجود “كيميا حلوة” بينهما، وأشار إلى احتمال تعاونهما قريباً في السينما، مؤكداً أن هذه الخطوة ستتم بعد انتهاء ياسمين من تصوير فيلم جديد تعاقدت عليه بالفعل، كما سيقدم هو بطولة فيلم آخر مع المخرج طارق العريان.
وقال أحمد العوضي خلال لقائه في برنامج Et بالعربي: احنا بنحب نشتغل مع بعض، أنا بحب اشتغل مع ياسمين، ياسمين بتحب تشتغل مع عوضي، الكيميا بينا حلوة، الشغل بينا مريح.
وتابع: أنا ببقى شايل هم ياسمين زي ما ببقى شايل همي وهي بتبقى شايلة همي برضو وبيبقى الموضوع كويس.
وأضاف: لما بشتغل مع حد تاني مش بيبقى بنفس الحميمية حتى لو هو حبيبي أو أخويا أو اختي أو زميلتي عمرها ما هتبقى بنفس الحميمية بنفس اتنين متجوزين.
أضاف أحمد العوضي: لما عملنا مسلسل اللي مالوش كبير مع بعض ربنا رزقنا ونجح وطلعنا في برنامج منى الشاذلي ونجحنا، والناس حابة الموضوع وبتحبنا مع بعض ولازم الناس تبقى حابة الاتنين مع بعض عشان نقدر نعمل مسلسل.
وعن أمكانية تقديم فيلم سينمائي يجمعهم قال العوضي: ممكن بس مش دلوقتي بس ياسمين عندها فيلم هتعمله بعد العيد، وأنا عندي فيلم البلدوزر مع طارق العريان ودي خطة مؤجلة.
أحمد العوضي: أنا وياسمين حنقدم عمل يحترم المشاهد
وحول مسلسلهما الجديد “ضرب نار” قال العوضي: احنا بنعمل مسلسل بيحترم المشاهد ومش بنعمل حاجة لا تليق بالجمهور وبيبقى في ثقة بينا وبين الجمهور.
وقال: العلاقة بيم مهرة وجابر علاقة حقيقية بتحصل فيها التقلبات بين الناس الحقيقة بتاعت واحد بيحب واحدة وعليك ضغط.
وأضاف: احنا لازم ننجح زي مسلسل اللي مالوش كبير بس زي ما نجحنا مع بعض في اللي مالوش كبير فمينفعش تكرروا نفسكوا بنفس الطريقة.
أبطال مسلسل «ضرب نار»
مسلسل «ضرب نار» بطولة ياسمين عبدالعزيز، أحمد العوضي، سهير المرشدى، هدى الأتربى، إيمان السيد، بدرية طلبة، تامر نبيل، أحمد عبدالله محمود، تيسير عبدالعزيز، ومن تأليف ناصر عبدالرحمن وإخراج مصطفى فكرى.
قنوات عرض مسلسل «ضرب نار»
من المقرر أن يعرض مسلسل «ضرب نار»، عبر شاشة قناة on e الفضائية، وon دراما، ومنصة واتش ات watch it الرقمية، وقناة أبوظبي الفضائية، بجانب قناة Art الفضائية.
المصدر:سيدتي
صفحتنا على فيس بوك – قناة التيليغرام – تويتر twitter
