فيفي عبده.. تصريحات نارية عن حياتها الشخصية
الفنانة المصرية فيفي عبده، دائماً ما تثير الجدل بتصريحاتها العفوية، والتي يعتبرها الكثيرون أنها تصريحات جريئة، في هذا السياق كشفت الفنانة المصرية أسراراً لأول مرة عن حياتها الشخصية.
قالت فيفي عبده، خلال لقاء مع فضائية لبنانية: “أنا ست واضحة ومبحبش الخيانة، وتزوجت خمس مرات ولا أمانع من الزواج العرفي”، وكشفت عن سبب أن جميع زيجاتها كانت عرفي: « أنا مكنتش أعرفهم قبل ماأتجوزهم، فكنت بخاف أن حد يكون مش كويس، أو يكون اختياري أو اختياره غلط، وكمان كنت بخاف ميطلقنيش».
وتحدثت فيفي عبده، عن مرحلة الطفولة ووالدتها الراحلة، قائلة: “أمي عرفت تربينا وهي كانت بتحب المصارعة وبتضربنا بالكرباج، وأبويا كان رياضي وصحته كويسة”، وردت فيفي عن اعتقادها أن المرأة تنجب من ركبها: « مكنتش أعرف الستات بتخلف منين، وأمي فهمت أخواتي أنهم بيخلفوا من ركبهم، وفضلت معتقدة ده لحد ماجيت أولد بنتي عزة وقعدت أولد فيها يومين، وأكسرلهم الحقن اللي بيدوهالي».
وأجابت فيفي على سؤال أنه أكثر ما يعجبها بالرجل هو فلوسه قائلةً: «أنا اتسرعت لما قلت الجملة دي وبسحبها، أنا أكتر حاجة بتعجبني في الراجل أنه يكون راجل حتي لو معندوش أي فلوس، الفلوس عمرها مابتسعد، الحب هو اللي بيسعد».
وتحدثت الفنانة المصرية عن أول قصة حب لها مع رجل هندي: « اتعرفت عليه في لبنان وكنت في حفلة مع فريد الأطرش، وكان قمر ومكنتش أعرف أنه انكليزي، وكان بيقولي بالعربي يا ملكة، وروحت الهند معه واللي منعني عن الجواز بيه أن ابويا مات ومقدرتش أسيب اخواتي عشان بصرف عليهم».
كشفت فيفي عن طلاقها بسبب نمر:« أنا كنت مع جوزي في كينيا، وكنا في رحلة سفاري وانا فضلت في العربية نص نقل مرضتش أنزل، ولما روحنا حب يهزر معايا فقفل عليا الباب بتاع الاوضه ودخل عليا نمر في من الشباك، وفي نفس اللحظة نزلت طلبت الطلاق واطلقت».
في سياق منفصل، وجهت فيفي عبده، رسالة للفنانة شيرين عبدالوهاب بعد الأزمات التي تعرضت لها خلال الفترة الماضية، وقالت فيفي: “من حقك تعيشي مع جوزك بالطريقة اللي تعجبك، ولكن غلط إنهم يصوروها، ومن حقها تعيش براحتها مع جوزها واللي بيحب أحياناً بيخبط في أي حاجة، ومن الحب ما قتل”.
ونصحت شيرين بالابتعاد عن أصدقاء السوء، مؤكدة “شيرين طيبة وحبت ومن حقها تحب، وأنا بقولها من خبرتي حاولي تقفلي عليك بيتك ومتحاوليش يكون عندك أصدقاء يضروكي”.
