Midline-News | الوسط…
.
حبيبتي كل جَرْحٍ من يديها يطيب
لو تجْرَحْ القلب قِلْت الجَرْح من طِيْبَهَا
الله برا حِسْنَهَا.. والله عليها حسيب
والله ابتلى حاجتي.. والله ابتلاني بها
أحتاجها حاجة المَنْفي بقَاعٍ غريب
يحِنّ.. والدار نافينه معازيبها
من كثر ما احِبْها.. ما وِدّي لْهَا حبيب
أخاف لى صابني من حِبْها يْصِيْبَهَا
يوم اطلقت ليلها الوارِدْ على أمّ الكثيب
سريت لام الكثيب وْصِرْت أنا ذِيْبَهَا
سريت لارض (الكنانه) و(الهلال الخصيب)
وابْعَدْتها وِقْرِبَتْ وِبْعِيْدها قْرِيْبَهَا
(أيقونة الحسن) ما يصْعَبْ عليها صعيب
الهامه اللي تحِبّ تْجيبها.. تْجيبها
إن قالوا تْعَوَّذْ مْن (ابليس) قِلْت: اش يجيب!!
البِنْت هذي تحِط (ابليس) في جَيْبَهَا!
.
