الفنانة وفاء سالم تروي قصة انتهاك طفولتها وتعرضها للتحرش
أثارت الفنانة المعتزلة وفاء سالم، حالة من الجدل الواسع عبر مواقع التواصل الاجتماعي بعد ما نشرت مقطع فيديو لها عبر قناتها على موقع تبادل الفيديوهات «يوتيوب»، تحكي خلاله عن قصة تعرضها للتحرش في طفولتها.
قصة تعرض وفاء سالم للتحرش في طفولتها..
نشرت الفنانة المعتزلة وفاء سالم، خلال الساعات القليلة الماضية، قصة تعرضها للتحرش في طفولتها وانتهاك براءتها، حيث قالت متأثرة خلال الفيديو:
«وأنا صغيرة كنت بحب أقعد تحت ترابيزة السفرة، وكنت بلاقيهم كلهم قاعدين على الكراسي، وانا قاعدة في المكان دا مبغيروش، وكله بياكل، وكنت بسمع صوت الحلل والأطباق والشوك والسكاكين وريحة الطعام، وأنا في دنيا تانية خالص، وكنت بفصل مع نفسي بمجرد ما بسمع بداية الحوارات.. »
وتابعت: « العالم بتاعي ملهوش دعوة بالعالم اللي فوق، كانوا بيعتبروني قطتهم السيامي اللي بيلعبوا بيها، ولما بيحضنوني كنت ببقى عايزة أزقهم، مش قادرة ومش مستحملة بسبب جسمي النحيل، ولما كانوا بيبوسوني كنت غصب عني بمسح البوسة من على خدي، وكانوا بيسألوني ليه بتمسحي البوسة.. انتي مش بتحبينا؟.. كنت بتكسف وأقول لأ».
انتهكوا طفولتي البريئة بقسوة ووقاحه
وتأثرت وفاء سالم أثناء روايتها لقصة التحرش بها في طفولتها وتابعت حديثها قائلة: «بوستهم كانت بتشوكني وبتشوك خدي وريحة نفسهم بالسجائر كانت بتضايقني وببقى عايزة أهرب من كل العالم ده، وأكتر حاجة لسة فكراها لحد دلوقتي وكانت بتوجعني جداً وعاملة جرح في قلبي إن بعض القرايب والأغراب كانوا بينتهكوا طفولتي البريئة بقسوة ووقاحة».
وأوضحت: « في الأول انا مكنتش بفهم وكنت بتكسف أتكلم، ودلوقتي كل ده شريط بيمر وبيلف في دماغي وعمري ما نسيته، ولما كبرت كنت بحس إن الطفلة اللي جوايا لسة موجودة، انا بحب البراءة علشان كده الطفلة لسة موجودة جوايا، وكان بيحصل معايا حاجات شبه كده لحد وقت قريب، وبيدخلولي من مداخل انتي فتاة أحلامي، انتي كلك أنوثة وجمال، انتي محصلتيش، وكل ده كان مدخل علشان يوصلوا لحاجة أنا مش قادرة انطقها أو أقولها».
وتابعت: « لسة من وقت قريب جداً كان بيتقالي أنا خالتي كانت ساكنة فوقيكي، وكنت باجي أبص عليكي من بعيد علشان أنا معجب من زمان وهبقى أكلمك، وده كله وجع كبير جوايا، وده كان من ضمن الأسباب إني مشيت، ولسة في حواديت وحكاوي هتسمعوها».
اعتزال وفاء سالم..
كانت الفنانة السورية وفاء سالم قد أعلنت في وقت سابق اتخاذها قرارها النهائي في باعتزال الفن والابتعاد عن الساحة الفنية، من خلال مقطع فيديو نشرته عبر «يوتيوب»، مرجعه الأمر لأسباب شخصية، معربه خلاله عن امتنانها الشديد لكل من سال عنها في أزمتها الصحية الأخيرة.
وفاء سالم تولد سوريا 1964 ولدت لأب يعمل محاميا، درست بكلية الآداب وقد أكتشفها المخرج المصري عاطف سالم، وعملت في الأعمال سواء في سوريا أو مصر في التلفاز والسينما، وكانت في بدايتها تأخذ أدوار كبيرة إلا أن كثرة توقفها عن التمثيل أثر على حجم أدوارها.
