الديك الفصيحالعناوين الرئيسية

رقص السوريين على إيقاع الحالة النفسية ..

|| Midline-news || – الوسط …

 

رغم انقطاع علاقة الديك الفصيح بالرقص .. ورغم انو من سنين نسي الهز والفقص .. إلا انو الذاكرة بترجع بالديك لأيام التميز المدرسية .. ومعسكرات الصف العاشر العسكرية.

فالديك يا سادة يا كرام مع انو كان من المتميزين بالرقصة الروسية المشهورة بالقوة .. أو ما يسمى بـ “التمرين التاسع – خود وضع” في دروس الفتوة .. إلا إنو الديك الفصيح .. ما تمالك حالو وانتقل من الرقص الروسي للرقص التعبيري بعد ما سمع هالتصريح ..

حيث طالعتنا محافظة دمشق .. بتصريح بيفلق الصخر فلق .. انو قال شو .. حالة الناس النفسية هي سبب الازدحام على محطات الوقود .. لك اغيثيني ايتها القرود السود.

ما علينا .. طبعا بوسط الأزمة الي عم تعاني منها الكازيات .. ورجعة مشاهد الزحمة عالمحطات .. وفقدان المازوتات والبنزينات، من دون وجود اي تبريرات منطقية من المعنيين والمعنيات .. قالت محافظة دمشق، على لسان نائب المحافظ، أحمد نابلسي، بموضوع الزحمة على البنزين، انو المادة متوفرة وكمياتا منا قليلة .. “مع انو الناس عم تدور عالبنزين بسراج وفتيلة”.

وتابع الرجل تصريحو بانو قال انو الزحمة اللي عم تصير عالكازيات .. الها علاقة بالحالة النفسية للمواطنين والمواطنات .. اللي بمجرد ما يشوفوا طابور سيارات .. بييجيهون احساس إنو المادة رح تنقطع من الكازيات .. فبيوقفوا بالدور ليأخذو مخصصاتون .. وكأنو البنزين أكسير حياتون .. وهيك بيزيد عدد الي ناطرين بالدور وبتصير الدنيا زحمة .. وزحمة يا دنيا زحمة.

طبعا الديك بيظن وبعض الظن ليس إثماً .. انو الشعب السوري بعد هالتصريح الخارق الحارق المتفجر صار بحاجة برنامج تدريب تعدلو ياه منظمة الصحة العالمية .. لتنمية ‏قدراتوا العقلية .. وحماية صحتو النفسية.

بس انو تعو لهون زز شو سبب هالحالة النفسية عم يسأل .. ديكنا الفصيح المبجل؟..

لك اخي المواطن فهمني ليش هالحالة النفسية .. والكهربا ما بتقطع والنت .. من أحسن ما يكون وسرعتو متل الطلقة الروسية .. و الاهم من هاد كلو انو ابن فلان وابن المعتر الغلبان بيدرسوا بنفس المكان .. وما في تفريق بينهما الاثنان.

قال الزحمة سببا الحالة النفسية .. لك نفسية مين والناس نايمين .. اذا السوريين عم يرقصوا عالوحدة ونص بلا طبلة وبلا دف .. وكأنن أكلين مية كف.

واكسكيوزمي من خاطركن يعني .. ليش إنتو خليتو عند المواطن السوري نفسية يا مسؤولين .. لك والله هالتصريح خلا الديك يصيح ما يستريح .. ولسان حالو بعد ما صار حريف بالرقص اكتر من الست نجوى فؤاد أيام عزها الله يعزكم : لا تحسبو رقصي بينكم طربا فالديك يرقص مذبوحا من الألم.

بس انو مو غريبة؟!.. ليش هيك شعبنا بيحب يعمل زحمة .. مع انو ببلدنا ما في ولا أزمة .. هاد غير انو البنزين متوفر والكازيات فاضية .. ومع هيك الناس مش راضية .. كل هاد وشعبنا نفسيتو تعبانة .. وتلافيف مخو خربانة.

آه هلأ عرف الديك ليش مضطربين الاخوة المواطنين ونفسيتن تعبانة .. يمكن لأنن عم يلعبو لعبة الحرب “ببجي” من 10 سنين .. عرفتوا كيف يا معترين؟.

المصدر : قِن الوسط 
اظهر المزيد

مقالات ذات صلة

زر الذهاب إلى الأعلى
أهم الأخبار ..
"نورد ستريم أ جي" :التدمير الذي حدث في نفس اليوم في وقت واحد على ثلاث خطوط من خطوط أنابيب الغاز البحرية نورد ستريم 1 ونورد ستريم 2 لم يسبق له مثيل.. الكرملين: وضع المناطق المحررة سيتغير جذريا من الناحية القانونية، بما يحمله ذلك من أغراض حماية وأمن هذه الأراضي بعد نتائج الاستفتاءات.. رئيس البرلمان اللبناني يدعو إلى جلسة لمجلس النواب لانتخاب رئيس جديد للجمهورية يوم الخميس المقبل. اغتيال رئيس بلدية المسيفرة عبد القادر الزعبي بـريف درعا الشرقي برصاص مجهولين الكونغرس الأميركي يحدد مساعدات لأوكرانيا بـ 12 مليار دولار.. تسرب الغاز من خط أنابيب ستريم 2 الروسي إلى بحر البلطيق.. مقتل وإصابة 18 شخصا فى اشتباكات مسلحة بمدينة الزاوية غرب ليبيا.. الكشف عن شبكة بدمشق تمتهن تهريب الأشخاص خارج البلاد بوثائق مزورة وتوقيف اثنين من أفرادها.. ارتفاع عدد ضحايا المركب اللبناني الذي غرق قبالة ساحل طرطوس إلى 100 شخص، وذلك بعد انتشال جثة من عرض البحر مقابل الباصيه في بانياس.. «فيفا» تعلن انطلاق مرحلة المبيعات الأخيرة لتذاكر مباريات كأس العالم قطر 2022،اليوم الثلاثاء، قبل أقل من شهرين على صافرة البداية .. البرلمان اللبناني يقر ميزانية 2022، بإنفاق 41 تريليون ليرة وإيرادات 30 تريليونا، في وقت تسعى فيه البلاد لاتفاق مع صندوق النقد الدولي.. واشنطن: كوريا الشمالية قد تجري تجربتها النووية السابعة دون سابق إنذار وملتزمون بالتعامل معها في إطار من الدبلوماسية الجادة.. الأمن الفيدرالي الروسي يعتقل القنصل العام الياباني فى فلاديفوستوك، و طوكيو تحتج ،وتطالب بالاعتذار.. مركبة فضائية تابعة لوكالة "ناسا" تصطدم بكويكب كجزء من مهمة اختبار الدفاع الكوكبي.. مقتل شرطي وإصابة آخر بانفجار استهدف مركزا للشرطة في مرسين جنوب تركيا.. بعد ساعات من حصوله على الجنسية الروسية.. واشنطن تطالب بتسليمها إدوارد سنودن ضابط المخابرات الأمريكي السابق للمحاكمة.. مصادر: لبنان يتبلغ رد إسرائيل النهائي على ترسيم الحدود البحرية “خلال أيام” ولا تنازلات.. وزير خارجية سوريا فيصل المقداد: حقنا في استعادة الجولان ثابت لا يسقط بالتقادم.. المقداد يطالب أمام الأمم المتحدة بتعويض خسائر سوريا من النفط والغاز المسروق منذ عام 2011.. رئيس مجلس النواب العراقي محمد الحلبوسي يعلن استقالته..ويطالب بالتصويت عليها في جلسة يوم الأربعاء..