العناوين الرئيسيةحرف و لون

اللي يحبك … د. ذياب بن غانم المزروعي

اللوحة : عبدالرحيم سالم

اللي يحبك من فؤاده ويغليك
يبقا يحبك لين يوم القيامه
مهما حصل ما تختلف نظرته فيك
والوقت ما بدل حقيقة غرامه
اذا زعل منك بروحه يراضيك
ولو الخطا منك بداك بسلامه
وان ضاق صدرك بالحكايا يسليك
ان غبت دايم في غيابك يداريك
وان جيت تلقى منه حب وكرامه
لايستمع نمات ناس حكوا فيك
ويعقب العاذل وراعي الملامه
مدام محبوبك بالعمر شاريك
دنياه تسوى من رضاك ابتسامه
لا تخسره دامه يحبك ويفديك
ترى العمر من دونه طوفه وندامه
الراي رايك والأمر بين أياديك
مبداه من عندك وعنده ختامه
ان جيت يالمحبوب ربي يحيك
وان رحت يالمحبوب درب السلامه
.

*شاعر.. ودكتور في العلوم السياسية- الإمارات

اظهر المزيد

مقالات ذات صلة

زر الذهاب إلى الأعلى