الشوق دقت ساعته
ما عاد يمديني صبر
والقلب وده شوفته
ولا هو بقادر ينتظر
يا حلم عمره وغايته
الشوق دقت ساعته
***
تعال واجبر خاطره
لو بس بنظرة عابره
لا تعتذر عن شوفته
لو كان فيها مخاطره
اقبل وحقق غايته
الشوق دقت ساعته
***
الشوق لا ما ينتظر
يرفض من العاشق عذر
وان كان ما ودك تجي
جيتك ماهي بالجبر
انته لقلبي طلبته
والشوق دقت ساعته
***
الشوق واسبابه غلاك
ضامي ويتحرق لقاك
خايف تأخر ما تجيه
وتذبل وروده من جفاك
تعال حقق غايته
الشوق دقت ساعته
تابعونا على صفحة الفيسبوك: https://www.facebook.com/alwasatmidlinenews.
