.
الكرز واحد وعشرين حبّه
رفرف الغصن وأورق عندليبه
أفتحوا للشبابيك المحبّه
وأصدحوا بالهلاهيل الرطيبه
غافل الشمع في عيده تنبّه
راح يأخذ من الظلما نصيبه
طفل من عادته يكسر ألعبّه
وشعليه إن كسر خاطر حبيبه
سنةٍ من سننه المستحبّه
يترك قلوب عشاقه عطيبه
ضاع من قال أنا ضايع بحبّه
والله إن الدلالة ضيعتني به
قبلة الله عليه وشلون ربّه
خالق مبيسمه يوم يحكي به
لو مكنته تغافلته بحبّه
بس هو شايفٍ فالأمر ريبه
ما أحسن الظن في ريحٍ تهبّه
يحسن الظن في مثلي مصيبه
المسبه به .. الطرف المسبّه
ماسوى طرفه الساهي يعيبه
عجزت مرايته فيه تشبّه
حاولت فيه ما قدرت تجيبه
بعد هذا وش اللي ينكتب بّه
قبل هذا وش اللي ينقري به
منبع النهر والنهر ومصبّه
مشرق النور والنور ومغيبه
إن بغى يسلب الرمان لبّه
وان بغى صابت النعناع خيبه
ان حلى اللعب والميدان طبّه
مالك الا تقول الله حسيبه
والله إن القلوب المستتبّه
تصطفق تقل ناهبها نهيبه
يأهل العرف ما قبله يجبّه
كيف أجل بالحشى مركي صليبه
الكرز واحد ومليون أحبّه
من هينا لين سكره وحليبه
.
