عماد رشاد ..ابنتي رفضت التمثيل وهذا عملي المفضل
حل الفنان عماد رشاد ضيفاً على برنامج واحد من الناس، مع الإعلامي عمرو الليثي، على قناة الحياة، وكشف فيها عماد رشاد عن الكثير من أسرار حياته الفنية والخاصة.
وفي الحلقة، كشف عماد رشاد عن رفض ابنته ياسمين، المشاركة في فيلم صعيدي في الجامعة الأمريكية.
وأوضح الفنان المصري: «مكنش ليا دور في ابتعاد بنتي ياسمين عن الفن، وهي كانت المفروض هتعمل فيلم صعيدي في الجامعة الأمريكية في دور غادة عادل، وخلاص اتفقت مع عائلة العدل على الدور وقبل التصوير بيومين رفضت وقالت مش همثل، وهي بتشتغل دلوقتي فى مجال الديكور».
وقال عماد ، خلال اللقاء أن أهم الأعمال المفضلة له “مسلسل العطار والسبع بنات، ومسلسل عائلة شلش”، مؤكداً أن دوري أمام نور الشريف في العطار والسبع بنات كان رئيسي، وكنت أؤدي دور شر فقلت للأستاذ محمد النقلي أنا هغير في الدور لأنى مقدرش أقعد 30 حلقة أقرف نور الشريف، الناس تقتلني في الشارع”.
عماد رشاد يتحدث عن حياته الشخصية
وتحدث رشاد عن أسرته وأحفاده، قائلاً: «عندي 3 أحفاد وأنا أقرب واحد ليهم في العيلة، ومرتبط بيهم جدا، وبحاول أقلل من ارتباطي بيهم علشان لما ييجي موعد رحيلي ما يبقاش صعب عليهم، وكتير من الناس نصحوني بكده لأن أسرارهم معايا، وأنا اللي بجيبليهم ملابسهم وكل حاجة، وأنا خايف عليهم من صدمتهم بعد رحيلي».
أما عن علاقته بزوجته الفنانة المعتزلة راوية صالح، قال عماد رشاد: «أنا زوج رومانسي وعاطفي جداً، وبجهز العشاء لمراتي على ضوء الشموع، ومستحيل هعمل كده وهي هتبقى وحشة معايا، وأهم حاجة ريح مراتك وقول لها حاضر، واعمل اللي أنت عاوزه».
ووجه عماد رشاد نصيحة للأزواج، قائلاً: «نصيحتي للشباب لما تعمل غلطة أوعى تعترف، لأن الست الشرقية هتفضل فاكراها ليك، وأنا مش هعترف ولا عمري هعترف، وبقالى 40 أو 45 سنة متزوج، لأني اتجوزت وأنا صغير ومراتي سابت التمثيل بعد سنتين من الجواز بعد ما خلفنا ياسمين، كان قرار خاطئ وكنت أتمنى إنها كانت ترجع تشتغل علشان كانت مركزة معايا أنا بس».
