|| Midline-news || – الوسط …
.
بيبكي الشجر كلّ ما رحَل عصفور
وكلّ ما رجِع بتعيّد الغابه سنِه
ليش بينام العشب مقهور ؟
ومرّات منحسّك حزينه يا دني!
شفت بْ منامي جراس عم بِتدقّ
في عرس بدّو يصير !
ودموع بدّا تنسَكَب بالعرس !
صرتي متل بيروت
متل حيفا محاصَرا
ومتل القدس !!
بعد لا قفيتي ولا ودّعْتي الشِعر
مات الملك بالقصر !
سودا السما فًًوّق البحر
وسفرجلِه صفرا الشمس
شو بيعمل الزهقان من حالو
الضجران ما عندو حَدا يسلّيه
وجّك قصر ، لا قبلِت إنّي هبطّو
ولا قْدرِت إسكن فيه
حبّنا يللي إنكَتَب بالصيف بِ قلام العنَبْ
جايب معو مِحّايتو
وجايي الشتي يمحيه!!!
.
.
