الوسط الفني

أحمد السقا: مسلسل “حرب” كان مغامرة ممكن تكنس تاريخي

كشف الفنان المصري أحمد السقا كواليس مشاركته في مسلسل “حرب” الذي يعرض ضمن موسم دراما رمضان الحالي.

وعن قبوله عرض مسلسل “حرب”، قال النجم “أحمد السقا” في حوار إذاعي: “مكنش فعلًا عندي حاجة في الدراما الرمضانية السنة دي، وقبل شهر رمضان بأيام معدودة لقيت محمد حسن مدير أعمالي بيكلمني بيقولي عايزك ضروري”.

وأشار إلى أن مدير أعماله لا يتطرق للعمل في فترة الإجازة: “في العادة لما بيبقى عندي يوم إجازة مش بحب اتكلم في شغل، بروح أتمرن وأركب خيل ومبعملش حاجة تاني.. ولقيته بيقولي عندي مصيبة في البيت ومش هينفع في التلفون”.

وتحدث عن سرعة البدء بتصوير المسلسل: “رحت له على البيت وقال لي كنت قاعد مع فلان وفلان كلموني عشان هنعمل مسلسل في رمضان وهنبدأ تصوير يوم الثلاثاء الجاي قلت له أنت بتهزر قالي لا.. فطلبت أقعد مع أستاذ أحمد نادر جلال والمؤلف هاني سرحان تاني يوم الصبح على الأقل”.

إقرأ أيضاً: أجور نجوم مصر بدراما رمضان 2023.. محمد رمضان يتصدر القائمة

بوستر مسلسل "حرب"

أحمد السقا يصف مسلسل “حرب” بالمغامرة

من جهة ثانية، وصف السقا قبول مشاركته في المسلسل “بالمغامرة”، موضحاً: “قلت يا واد أنت لو خدت الريسك ده يا هتلبس في حيطة يا إما هتبقى كنست تاريخك كله ويبقى نقطة ومن أول السطر”، وأضاف: “كانت مغامرة تستحق الريسك.. وبعدين وافقت.. ولكن قولتلهم مش هنصور الثلاثاء هنصور السبت.. عشان أكون لحقت أقرأ وأذاكر”.

وعن الانتقادات التي طالته بسبب شكله المرهق في المسلسل، قال النجم المصري: “بالنسبة لشكلي المرهق في المسلسل هو إني خسيت ونزلت وزني الفترة اللي فاتت؛ لأني كنت باخد كورتيزون ولما وقفته بعناية الأطباء بقيت فرحان بشكلي في المسلسل” وأضاف: “وخدت قرار إني مش هشتغل دور الإرهابي بالشكل التقليدي اللي بيكشر ويزعق ويتكلم بلغة الدين دايمًا أنا هعمله إنسان عادي وجاحد عشان يوصل للناس”.

وتحدث السقا عن تفاصيل رسم ملامح الشخصية: “أنا بشتغل مع فريق عمل قعدنا نشوف هنعمل فرق السن إزاي، والدقن اللي كنت بعملها في الأول كان تركيبها بياخد ساعة ونص لأنها بتترسم شعرة شعرة عشان تبان طبيعية، أما فيما يخص هدوء الشخصية لما تشوفي النهاية هتعرفي إن الراجل ده مش صاحب مبدأ ومش عايز احرق الأحداث، واللي كان بيحركه حاجة تانية خالص”.

المصدر: وكالات

صفحتنا على فيس بوك  قناة التيليغرام  تويتر twitter

اظهر المزيد

مقالات ذات صلة

زر الذهاب إلى الأعلى